KUMBLA11037

    ಹಕ್ಕಿಯ ಹಾಡು

          ನಾಡಿಗೆ ಬಂದಿತು ಕಾಡಿನ ಹಕ್ಕಿ

         ಕುಳಿತಿತು ಕಾಂಕ್ರೀಟ್ ಕಟ್ಟಡದಲ್ಲಿ

         ಕೆಳಗಡೆ ನೋಡಲು ಇರುವೆಗಳಂತೆ 

         ಬಲು ವಾಹನಗಳ ಸಾಲೇ ಸಾಲು 

          ಕಿವಿಯನು ಚುಚ್ಚುವ ಹಾರನ್ ಸದ್ದು

          ಜೊತೆಯಲಿ ಕೇಳಿತು ಸೈರನ್ ಸದ್ದು

          ಮಕ್ಕಳು ಸಿಡಿಸಿದ ಪಟಾಕಿ ಸದ್ದು 

          ನಾಲ್ಕೂ ದಿಕ್ಕಲಿ ಸದ್ದೇ ಸದ್ದು 

            ನೋಡಿತು ಸುತ್ತಲೂ ಕಾಡಿನ ಹಕ್ಕಿ

            ಓಡಿತು ಭರದಿ ಚೀರುತ ಭಯದಿ 

            ಹಾರಿತು ಕಾಡಿಗೆ ನಾಡನು ಬಿಟ್ಟು 

            ಕರೆಯುತ ಹೋಯಿತು ಬಳಗವನು

             ಬಿಕ್ಕುತ ಚೀರುತ ಕಾಡನು ಹೊಕ್ಕು

             ಕೂಗುತ ಹೇಳಿತು ನಾಡಿನ ಗುಟ್ಟು 

             ಕೇಳಿರಿ ಕೇಳಿರಿ ಬಂಧುಗಳೇ

            "ಸ್ವಾತಂತ್ರವಿರುವುದು ಈ ಕಾಡಿನಲಿ ಭಯವು ತಪ್ಪದು ಆ ನಾಡಿನಲಿ "

                                                                       ಕಿರಣ್ ಬೋರ್ಕರ್ 
                                                                       ೧೦ ಬಿ ತರಗತಿ