KUMBLA11037

ಹುಣ್ಣಿಮೆ ಬೆಳದಿಂಗಳು

ಚಂದ್ರನು ನಗುತಿರೆ ಹುಣ್ಣಿಮೆಯ ಆ ಬೆಳಕು

ಸೂರ್ಯನು ಉದಿಸಿದರೆ ಬಾನಿಗೆ ಹೊಸ ಕಂಪು

ಬಾನಿಗೆ ಜ್ಯೋತಿ ಆ ಬಾನ ಚಂದಿರ

ಈ ಧರಣಿಗೆ ಗಗನವು ನೀಲಿ ಹಂದರ ||

ಮುಸ್ಸಂಜೆ ಕಳೆಯುತ್ತಾ ನವರಾತ್ರಿ ಮರಳುತ್ತಾ

ಹೊಸ ಬೆಳಕದು ಬಾಳಿಗೆ ಓಡೋಡಿ ಬರುತ್ತಾ

ಏನೋ ಉಲ್ಲಾಸ ಏನೋ ಆನಂದ

ಬೆಳದಿಂಗಳ ಬೆಳಕದು ಬಾನಿಗೆ ಐಶ್ವರ್ಯ ನಿಧಿಯಿದು ||

ಮನೆ ಮನೆ ಅಂಗಳಕದು ಚೆಲ್ಲಿದೆ ಹೊನ್ನಿನ ನೀರು

ಬೇಕಿಲ್ಲ ಬೆಳದಿಂಗಳಿಗೆ ಆ ಹೊಸ ತೇರು

ಹುಣ್ಣಿಮೆ ರಾತ್ರಿಯದು ಚಂದ್ರನ ಪ್ರತಿರೂಪ

ಲೋಕಕದು ಅಪರೂಪ ||

ಪ್ರತಿಕ್ಷಣ ಇರಲಿ ಆ ಬೆಳದಿಂಗಳು

ಅನುದಿನ ಬರಲಿ ಪೂರ್ಣ ಚಂದ್ರ ಬಾನಿಗೆ

ಬೆಳದಿಂಗಳ ಚಂದ್ರನಂತೆ ಮನುಕುಲವು ನಗುತಿರಲಿ

ಬೆಳದಿಂಗಳ ನಗುವಂತೆ ನಿಸ್ವಾರ್ಥದ ಪ್ರೀತಿ ಚೆಲ್ಲುತಿರಲಿ ಬಾಳಿನಲಿ ||

ಹೂಗಳ ಮೇಲೆ ಪನ್ನೀರ ಹನಿಯಂತೆ ಈ ಬೆಳದಿಂಗಳು

ಗಿರಿಗಳ ಮೇಲೆ ಸೊಬಗಿನ ಝರಿಯಂತೆ ಬೆಳದಿಂಗಳು

ಪ್ರತಿದಿನ ಸುರಿಯಲಿ ದೇವತೆಯ ಕುಸುಮಗಳು

ಬಾಳಿನ ಜೊತೆಗಿರಲಿ ಆ ಬೆಳದಿಂಗಳು ||
                                 ವಿದ್ಯಾಕುಮಾರಿ 9ಬಿ ತರಗತಿ